Локалната самоуправа преку Секторот за туризам и локален економски развој од Охрид почна со дистрибуција на информативни летоци за сите корисници или даватели на услуги во туризмот.
Станува збор за три различни информативни летоци од кои еден е наменет за туристите и посетителите на Охрид, вториот содржи информации за станоиздавачите и гостите кои се рашаваат за приватно сместување со нивните права и обврски, како и информативен материјал наменет исклучиво за странските гости сместени на Охридското крајбрежје.
Секој до летоците е отпечатен двострано и двојазично на македонски и англиски јазик.
Дистрибуцијата на материјалите ќе се врши континуирано и преку посебно испланирани активности со што ваквите информации би ја постигнале планираната цел – информирани даватели на услуги и нивни корисници и воведување поголем ред во туристичката дејност во интерес на идниот туристички развој на Охрид.
