На денешната инаугурацијата на претседателот Ѓорѓе Иванов не присуствуваа опозициската СДСМ, ДУИ и партијата на Руфи Османи.
Во собраниската сала се присутни пратениците на ВМРО-ДПМНЕ, ДПА и единствениот пратеник на ГРОМ Чедомир Саздовски.
На почетокот на обраќањето пред пратениците, претседателот Иванов изрази огромна благодарност до граѓаните кои како што рече „придонеле да се одржат мирни, фер и демократски избори“.
Иванов изјави дека ДИК ефикасно ги спровела изборите, а им се заблагодари и на меѓународните набљудувачи од ОБСЕ за непристрасноста при следењето на изборниот процес во Македонија за време на изборите.