Илирска Македонија да биде новото име на државава, а потоа и да се реши проблемот со името со Грција, побараа денеска преку соопштение воените ветерани на поранешната ОНА.
Во соопштението кое е објавено во весникот на албански јазик „Коха“, тие инсистираат на илирско-македонско име за државата, со кое сметаат дека ќе бидат исполнети сите критериуми.
„Нашиот предлог е државата да се вика Илирска Македонија оти тоа име ги исполнува сите критериуми, и демографски и политички и историски. Овој предлог ќе го забрза и решавањето на спорот со Грција околу сегашното име на државата“, пишува во соопштението на здружението, кое е потпишано од претседателот Фазли Велиу, висок функционер на ДУИ и вујко на лидерот Али Ахмети.
Од Здружението порачаа дека името Горна Македонија е неприфатливо за Албанците зашто било еднострано и без „дадена согласност од Илирија“.