Кандидатот за градоначалник на Кочани од СДСМ, Николчо Илијев денеска истакна дека за успешен локален бизнис потребна е инфраструктура, унапредување на јавните услуги и поедноставна регулатива.
– Но, тоа не е доволно. Потребни се иницијативи за иновирање и меѓусебно учење, со што ќе се создаде конкуретна локална економија која ќе создаде нови и подобро платени работни места. Така ќе има повеќе пари за граѓаните. Централната власт ја активира спиралата на покачување на платите. Ќе добиеме директна поддршка за домашните фирми, пред сѐ за малите и за средните претпријатија, рече Илијев на средбата со новинарите во Кочани.
За младите, посочи, ќе отвориме центар за отпочнување и развој на бизнис. Нагласи дека ќе ја вклучуваат бизнис заедницата во дефинирање на приоритетите на општината.
– Ќе воведеме бизнис форуми како редовна активност за проектирање и следење на локалниот економски развој. На општина Кочани и треба побрз локален и регионален развој. Само со добра економија може да има подобар живот за сите, додаде Илијев.
