Илија Спасески има воспаление на вените, Судот одби да му го врати пасошот за да се лекува во странство

Од:

Судскиот процец против охриѓанецот Илија Спасески, обвинет за тепањето на сограѓанинот Христијан Пендиков, се одложи по вторпат откако тој не се појави на рочиштето во судот бидејќи боледува од воспаление на вените и се наоѓа е на домашно лекување.

Ова го откри неговиот адвокат Димитрија Цобоски пред судот претставувајќи го болничкиот извештај од специјалист за 15-дневна терапија. Извештајот е со вчерашен датум од 11 јули, а дијагнозата е тромбофлебит.

Адвокатот на Илија Спасески, Димитрија Цобоски побара од судот да му биде отстранета забраната да ја напушти земјата за да може неговиот клиент да се лекува во странство, но судијата одби да му дозволи да патува на лекување, односно да му го врати пасошот.

Оштетениот Пендиков, кој во Охрид доаѓа вторпат откако се лекуваше во Софија и откако доби бугарски пасош, се појави на рочиштето, но не можеше да изврши препознавање на обвинетиот затоа што тој е отсутен.

И последната трета седница по ред беше одложена откако обвинителството во Охрид ги презентираше сите документи за лекувањето на Кристијан Пендиков во Бугарија и за повредите што му беа нанесени.

Овие документи станаа причина случајот да се одложи за денеска бидејќи одбраната на Илија Спасески сакаше да се запознае со нив и да може да се произнесе за случајот. Но, судот не дозволи такво време и одлучи дека ќе го расправа предметот, а потоа адвокатите на Спасески демонстративно ја напуштија судницата и судијата мораше да го одложи предметот.

Би можело да ве интересира

Четворица лихвари од Охрид од жртва изнудиле 18 милиони денари

Горан Наумовски

За да се спаси од полицијата, проголтал пакетче со дрога

Напаѓачите на Христијан Пендиков осудени на по осум месеци затвор

А1он

Уапсени лихвари од Охрид, од жртвите изнудиле над девет милиони денари

МВР: Кривична за директорот на Националната установа Центар за култура „Григор Прличев“

Пленковиќ: Пресудата против Додик не е правосилна, треба да се „спушти“ топката