(ВИДЕО) Илиевски не чувствува одговорност како организатор, воведувал ред пред вратата на Собранието

Од:

Организаторот на протестите од иницијативата „За заедничка Македонија“, Богдан Илиевски во изјава за Макфакс вели дека не чувствувал никаква одговорност за дивеењето во Собранието и нападот врз пратеници и новинари.

– Знаевме дека некој ја пеел албанската химна во Собранието, тоа беше првичниот бран на иритирање кај луѓето, а бев на бина кога се дозна дека има обид за гласање на Талат Џафери за претседател на Собранието. На сите им стана јасно дека станува збор за државен удар во Македонија, иако 10 секунди претходно апелирав да останеме на улица и да не си одиме додека тие не си одат, откако се дозна информацијата, луѓето почнаа да прескокнуваат ограда и се упатија кон вратата на Собранието, рече Илиевски.

Тој кажа дека се обидел да воведе ред на вратите на Собранието и дека не ги познава напаѓачите кои крвнички удрија по пратениците и новинарите, а го видел како што рече „само стариот дедо“ кој ја влечеше Радмила Шекеринска за коса, а другите поради маските на глава не ги видел.

– Не чувствувам никаква одговорност како иницијатор, ние не повикуваме на насилство, ниту пак сме повеле некого да биде насилен, напротив, 60 дена ние на мирен и достоинсвен начин протестираме, рече Илиевски.

Реториката дека протестите на оваа иницијатива се мирни освен организаторите ја користат и пратениците на ВМРО-ДПМНЕ, иако досега имаше неколку физички напади и претепувања на новинарите за време на собирите, а дел од нив завршија и во Ургентниот центар со повреди.

Би можело да ве интересира

МЗШВ: Собранието го донесе новиот закон за вино, лозарите добиваат гарантирана откупна цена на винското грозје

Нов парламентарен состав до 28 мај

Катерина Ѓуровски

ВИДЕО: Крвав напад со нож во САД, четворица мртви

Се зголемува бројот на загинати во терористичкиот напад во Москва, едно од повредените лица почина

Горан Наумовски

Бројот на повредени во нападот во Москва се зголеми на 360

Горан Наумовски

ВМРО-ДПМНЕ: Откако ќе формираме влада, ќе поевтинат сметките за струја