До Собрание бил доставен предлог закон за покачување на платите на вицепремиерите за 8.000 денари.
Со измените на Законот плата и други надоместоци на избрани и именувани лица во Република Македонија поднесени до Собранието, коефициентот за утврдување плата на заменик претседател на Влада ќе се пресметува со коефициент 4 наместо 3, 70.
Согласно ова, разликата во платата ќе изнесува 8.027 денари во бруто изнoс или за 5 вицепрмеиери, Хазби Лика, Кочо Анѓушев, Бујар Османи, Радмила Шекеринска и Оливер Спасовски, за 12 месеци 482.620 денари.
Министерот за внатрешни работи Оливер Спасовски досега земаше најголема плата, од 92.299 денари, а со новите промени ќе зима повеќе од 100 илјади денари месечно.
Министерката за одбрана Радмила Шекеринска од 79.150 денари, ќе добива плата од 87 илјади денари.
Во Предлог – законот за изменување на Законот за плата и другите надоместоци на избраните и именуваните лица во Република Македонија се вели дека со него ќе се обезбеди терминолошко усогласување на Законот со Законот за Владата, со што ќе се создаде законска основа за пресметка на платата на вицепремиерите.
Галена Николовска-Ризвановиќ