Повеќе од еден час е потребно да се помине низ „Партизанска“, поради вечерашниот митинг на ВМРО-ДПМНЕ.
Улицата „Илинденска“ е затворена за сообраќај уште од изутрина, поради што сите возила се насочени кон „Партизански одреди“, со што се создаде хаос и чекање од по еден час.
Скопјани револтирани стискаа на сирените на возилата и речиси сите порачуваат дека им е доста од митинзи.
Порачуваат дека партиите не може да си дозволуваат повеќе да го блокираат градот и во иднина да пронајдат други локации.
Редовно на сите избори, на митинзите на партиите во Скопје се затвораат улици уште од полноќ, а потоа дополнително се блокира градот со носење автобуси од цела Македонија.