Хант: Ова е историски момент за Македонија

Од:

Британскиот министер за надворешни работи Џереми Хант го поздрави усвојувањето на уставните измени од страна на македонскиот Парламент и го оцени како историски резултат.

-Денес Парламентот на Македонија гласаше за поддршка на уставните измени со цел спроведување на Договорот од Преспа. Се надеваме дека Договорот ќе биде ратификуван од грчкиот парламент. Со ова се става крај на долгодишниот спор меѓу двете земји и и се отвора патот на Македонија да напредува кон членството во ЕУ и НАТО, посочи Хант.

Обединетото Кралство, додаде, силно го поздравува денешното гласање во Парламентот на Македонија за поддршка на спроведувањето на Договорот од Преспа.

-Ова е историски момент за Македонија. Ова е голем чекор напред кон решавање на долгогодишниот спор за името со Грција и ја доближува земјата до побезбедна, постабилна и просперитетна иднина во срцето на евро-атлантската заедница. Спроведувањето на Договорот ќе отвори поголеми можности за младите луѓе од Македонија и покажува што може да се постигне со храброст, одлучност и визија за иднината, порача Хант.

Би можело да ве интересира

Историски одбранбен пакт меѓу Велика Британија и Германија е на повидок, ги заобиколува САД

Руски воен брод вооружен со ракети маскиран мина низ Ламанш

Катерина Ѓуровски

Велика Британија и нејзините сојузници не се подготвени за модерно војување

Велика Британија се подготвува за војна, Стармер најави „борбена готовност“

Келин: Велика Британија води прокси војна против Русија

Британската влада му се заканува со тужба на Роман Абрамовиќ за парите од продажбата на Челси