Хант: Ова е историски момент за Македонија

Од:

Британскиот министер за надворешни работи Џереми Хант го поздрави усвојувањето на уставните измени од страна на македонскиот Парламент и го оцени како историски резултат.

-Денес Парламентот на Македонија гласаше за поддршка на уставните измени со цел спроведување на Договорот од Преспа. Се надеваме дека Договорот ќе биде ратификуван од грчкиот парламент. Со ова се става крај на долгодишниот спор меѓу двете земји и и се отвора патот на Македонија да напредува кон членството во ЕУ и НАТО, посочи Хант.

Обединетото Кралство, додаде, силно го поздравува денешното гласање во Парламентот на Македонија за поддршка на спроведувањето на Договорот од Преспа.

-Ова е историски момент за Македонија. Ова е голем чекор напред кон решавање на долгогодишниот спор за името со Грција и ја доближува земјата до побезбедна, постабилна и просперитетна иднина во срцето на евро-атлантската заедница. Спроведувањето на Договорот ќе отвори поголеми можности за младите луѓе од Македонија и покажува што може да се постигне со храброст, одлучност и визија за иднината, порача Хант.

Би можело да ве интересира

Трамп: Посетата на Велика Британија е една од најголемите почести во мојот живот

Уцени во британската политика, истражителите се сомневаат дека тоа е дело на кинеските служби

„Тајмс“: Велика Британија формално ќе признае палестинска држава овој викенд

Велика Британија е подготвена за секое сценарио за време на посетата на Трамп

Стармер на удар поради неговиот однос кон женските помошнички

Горан Наумовски

Намачка со сланина влез на џамија, осуден е на 6 месеци затвор

А1он