Еврокомесарот за проширување, Јоханес Хан утрово на Твитер објави дека доколку се потврди информацијата дека Унгарија одобрила азил за Никола Груевски, тој од Виктор Орбан очекува солидно објаснување за основата на азилот.
„Ги земам предвид информациите за одлуката на Унгарија да му одобри политички азил на Никола Груевски. Ако се потврди очекувам објаснување за основата на азилот од Виктор Орбан“, напиша еврокомесарот Јоханес Хан на својот Твитер налог откако вчера му беше одобрено барањето за азил на поранешниот премиер на Македонија, Никола Груевски.
I take note of reports about #Hungary’s decision to grant political asylum to @GruevskiNikola. If confirmed, I expect a sound explanation of its grounds by @Viktor_Orban. 1/2
— Johannes Hahn (@JHahnEU) November 21, 2018
„Владеењето на правото останува темелен принцип за земјите членки и земјите кандидати на ист начин. Клучно е за кредибилитетот на Европа. Изненадувачки е што Унгарија поддржува членство во ЕУ за Македонија, но, не ја смета за безбедна“, напиша Хан.
The #RuleofLaw remains a fundamental principle for Member States and accession candidates alike. It is crucial for #Europe’s credibility. Surprising that #Hungary supports ?? #EU membership but does not consider it safe. 2/2
— Johannes Hahn (@JHahnEU) November 21, 2018