Гувернерката на Народна банка примила заканувачки пораки на Фејсбук, испраќачот е фатен

Од:

Гувернерката на Народната банка, Анета Ангеловска-Бежоска примила заканувачки пораки на Фејсбук од непознато лице и случајот го пријавила во полиција.

Пораките биле поврзани со пропаѓањето на Еуростандард банката, а содржеле и закани по нејзиниот живот.

Случајот го презела Единицата за насилен криминал и во текот на денот, испраќачот бил пронајден, со него бил извршен разговор во полициска станица и против него ќе има соодветен поднесок.

„На 17.08.2020 А.А.Б. од Скопје пријавила дека околу 18.50 часот, во електронското сандаче од нејзиниот профил на социјалната мрежа „Фејсбук“ примила порака со заканувачка содржина од „Фејсбук“ профил на лице кое не го познава лично и не е во нејзината група на пријатели“, стои во денешниот полициски билтен.

Бежоска пред неколку дена соопшти дека Народната банка ја одзема дозволата за работа на Еуростандард банка – Скопје поради неисполнување минимални законски услови за работење.

Би можело да ве интересира

Груевски: НБРМ ја слушна ЛДП и ги намали трошоците на банките, на ред се банките да ги намалат трошоците кон граѓаните

Славески: Создаден простор да се намалат и поедностават надоместоците што банките ги наплаќаат од граѓаните

Се намалуваат надоместоците за извршување на плаќањата во земјата и во СЕПА

Раст на каматната стапка на депозитите, намалување кај кредитите

Македонскиот надворешен долг е 4,6 милијарди евра

Примопредавање на функцијата гувернер на Народната банка