Рано утрово околу 4:30 часот полицијата уапсила четворица учесници во тепачка која се случила на паринг пред угостителски објект во Куманово, соопшто полицијата, додавајќи дека еден од учесниците физички нападнал и полицаец кој дошол да интервенира.
„На 21.06.2021 околу 04.30 часот на паркинг пред угостителски објект во Куманово од полициски службеници од СВР Куманово биле приведени Б.К.(25) од с.Кучкарево, Ф.В.(21) од Скопје, А.А.(23) и И.С.(22), двајцата од Куманово, бидејќи откако Б.К. физички го нападнал Д.М.(21) од Скопје, приведените го нарушиле јавниот ред и мир со меѓусебна физичка пресметка, а Б.К. агресивно се однесувал и физички нападнал и полициски службеник кој вршел службени дејства. Се преземаат мерки за расчистување на случајот“, велат од полицијата.