Груевски за плацовите на Водно: Нема докази, ништо не сум купил или продал

Од:

Поранешниот премиер, азилантот во Будимпешта Никола Груевски, во нов статус на Фејсбук објаснува дека обвинението за „Плацовите на Водно“ и целиот случај против него е монтиран од страна на власта на Зоран Заев. Тој повтори дека случајот не се темели на докази и дека тој “не направил никакви купопродажби“.

dobivaj vesti na viber

„Очекувано уште пред 7-8 дена судот прифати да се расправа за обвинението на обвинителство креирано по наредба на криминалецот Заев минатата година, наредба која уште во септември минатата година Заев ја сподели со повеќе негови соработници. По наредба на контролорите од власта на судот и обвинителството за објавата се чекаше кога да се објави, за што одлучуваат одговорните за односи за јавноста во СДСМ/Владата“, напиша тој.

Без ниту еден матерјален доказ, кој и неможе да го има бидејќи не сум направил никакви купопродажби, и само со приказни од типот “рекла-казала” на неколку најблаго кажано уценети лица од власта со најбрутални методи. Тоа е она кога не те бива нешто сериозно да создадеш, изградиш, реформираш, унапредиш, да исполниш ветувања кон народот итн, па удираш по тој кој го направил тоа што неможеш ти, верувајки дека така ќе ја намалиш неговата а ќе ја зголемиш својата вредност во перцепцијата на народот, и се со цел да се одржиш подолго во криминалното работње и рекетот од позиција на власт,“ пишува Груевски.

„И на ова беснење, колку и да трае долго, ќе му дојде крајот, но и почетокот на демонтирање и вадење пред правдата, на оваа криминална банда, предводена од човек кој функционира по мафијашки принципи, слично како што функционирал кога го зголемувал својот капитал преку лихварство во струмичкиот регион за чии само параван била регистрирана штедилница, и како што функционирал при делење на стотици тендери на општина Струмица на членовите на неговото потесно и пошироко семејство и локални партиски челници, за кое пред 7 години ни објаснуваше дека регуларно си ги добиле тендерите“, додава Груевски.

Би можело да ве интересира

(ВИДЕО) Груевски доби седум години затвор, Мијалков една година и три месеци, Камчев една година за „Плацови на Водно“

Кристијан Ландов

Сијарто: Екстрадицијата на Груевски е правно, а не политичко прашање

Ана Ололовска

„Репортинг Демокраси“: На безгрижните денови на Груевски можеби им се ближи крајот

Ана Ололовска

Ново рочиште за случајот „Плацеви на Водно“

Ана Ололовска

Одложено судењето за „Плацеви на Водно“, обвинителката Стефанова ќе се тестира за Ковид-19

Ана Ололовска

Ново рочиште за случајот „Плацеви на Водно“

Ана Ололовска