Груевски кај Иванов во тајна посета

Од:

Претседателот на ВМРО-ДПМНЕ, Никола Груевски според информации на А1он вечерва бил виден како влегува во претседателскиот кабинет на Ѓорге Иванов. Со него бил и Кирил Божиновски.

Посетата на Груевски вечерва доаѓа токму во моментот кога лидерот на СДСМ, Зоран Заев ги доби потписите од ДУИ, а според најавите ќе добие потписи и од БЕСА и Алијансата на Албанците по што Иванов ќе мора да му го даде мандатот. Иако претходно Ѓорге Иванов бараше исполнување на два услови за добивање на мандатот, по многуте критики дека тој не може да поставува услови надвор од неговите надлежности, од кабинетот се повлекоа дека не се работи за услови туку за препораки.

Иако нема официјална информација, се очекува Иванов да не го прекрши Уставот и мандатот да му го предаде на лидерот на СДСМ Зоран Заев кој веќе е избран за мандатар од страна на неговата партија.

Иванов кој стигна на претседателската функција преку гласовите на ВМРО-ДПМНЕ, денеска беше предупреден од еврокомесарот Јоханес Хан дека мандатот мора да му го даде на Зоран Заев кој обезбеди мнозинство во парламентот. Груевски не ја прифаќа новата реалност и се повикува на волјата на народот, иако поради разлика од само сто гласа тој доби два мандати повеќе.

Би можело да ве интересира

Се јави Груевски: Не знам чиј имот замрзнале, ама мој не е

Жарко Настоски

Груевски признава дека пиштолите се негови и дека закупил станови за без пари во кои инвестирал

Кристијан Ландов

Четири пиштоли пронајдени во становите на Груевски

Кристијан Ландов

Груевски се огласи: Не постои никаков скриен имот

Кристијан Ландов

Нови станови на Груевски: ги изнајмил без пари пред да избега, а се во зградата во која живееше

Кристијан Ландов

Релациите на Цех и Груевски: му помагал во кампањата во 2016, се среќавал со него и му закажувал средби со германски функционери

Габриела Димковиќ-Мишевска