Во салата во Штип која собира околу 800 луѓе и без присуство на многу видни лица од ВМРО-ДПМНЕ, Никола Груевски најави дека ќе се бори и никој немало да го скрши. Повторно изедначувајќи се со народот и соочувајќи се со опстанокот на првата позиција на партијата, Никола Груевски повика на приклучување во борбата на сите скептици и оние што подлегнале на пропагандата.
-Ако мислеа дека со фалсификувани избори ќе не поразат им порачуваме дека притиснале копче со кое нашиот организам ќе почне да работи со 120 отсто капацитет. Сите можеби некогаш се оправдано скептици, но и оние кои подлегнале на пропагандата нека ја видат голема слика и да се придружат на ВМРО-ДПМНЕ. Ова е битка на еден народ за опстанок, рече Груевски.
Ова што денеска го прават нема да се заборави. Запалените возила и гуми нема да ги избришете од нашите спомени. Заканата за укинување на субвнциите на земјоделоцот, намалената просечна плата и целта економија за некое време нема да се заборави, рече Груевски.
Тој најави помош за луѓето кои завршиле во затвор по настаните од 27 април.
-Сите ваши криминалци, силувачи, лопови, да ги ослободите, нема да го скршите нашиот дух, рече Груевски.