Ова што од СЈО го работат е незаконски, нивниот мандат е изминат и овие предистражни постапки се малтретирање на граѓаните. Но за да не излезе дека одбегнувам да дојдам, дојдов и одговорив на некои прашања кои ме прашаа, изјави лидерот на ВМРО-ДПМНЕ, Никола Груевски по завршување на распитот во СЈО.
– Мислам дека ова го прават за да сум тука за да давам изјава пред вас и наместо да се зборува за промена на името што го договара Заев, за непокачување на платите на лекарите, за зголемување на просечната плата, за скандалозниот договор со Бугарија, да се зборува дека јас сум бил во СЈО, рече Груевски.
Тој вели дека овие сценарија се политички наметнати за да се отргне вниманието од реалните проблеми и да се замајува јавноста како и дека сето тоа што тој работел е законски.
Предистражната постапка на СЈО за финансиски криминал со струја, Груевски не сакаше да ја коментира.
Виктор Јованов