Премиерот, Никола Ггруевски, одбива да влезе во салата каде се одржува седницата на Анкетната комисија иако претседателот Петре Шилегов неколку пати им порача на службите да го повикаат. На новинарите им е забрането да излезат.
Пратениците од власта и опозицијата се инаетат меѓу себе. Членовите на Комисијата од ВМРО-ДПМНЕ бараат прво да се констатира дека седницата ќе биде затворена па потоа сведокот да влезе. Шилегов вели дека прво мора да се констатира дека сведокот е присутен на седницата.
-Не можам да му овозможувам услови за седница на празно столче – рече Шилегов.
Шилегов одреди пауза од 15 минути за пратениците да се договорат. Груевски го немаше на влезот од салата кога новинарите излегоа.