Експремиерот и азилант Никола Груевски нема да биде екстрадиран од Унгарија, одлучи тамошниот суд на денешното рочиште. Груевски ќе биде пуштен на слобода. Судијата образложи дека ваквата одлука е поради тоа што унгарскиот суд не може да му суди на Груевски за тоа што се случувало во Македонија, а Македонија не може да ја обжали одлуката на унгарскиот суд.
„Условите за екстрадиција не се валидни“, рече судијката.
Утрово, судот издаде наредба за приведување на Груевски, кој беше спроведен до судницата со две лица, кои најверојатно, се дел од безбедносните служби на Унгарија. Груевски бил приведен во т.н. 11 област во Будимпешта.
Рочиштето е затворено за медиумите, но одлуката е јавно соопштена.
Минситерството за правда бара екстрадиција за Груевски за тој да ја одлежи двегодишната затворска казна за предметот „Тенк“ на СЈО, но и за организација на крвавите инциденти во Собранието на 27 април.