Груби: За нас е прифатлив секој мандатар кој ќе го предложи СДСМ, се надеваме на соработка со Алтернатива и на локално ниво

Од:

Првиот вицепремиер и министер за политички систем и односи меѓу заедниците, Артан Груби денеска истакна дека ДУИ смета оти Зоран Заев треба да остане на позицијата премиер додека да се стабилизира парламентарното мнозинство, да заврши процесот на реконструкција на Владата и секако за да се решат клучните стратешки прашања. Сепак, додава тој, за ДУИ е прифатлив и друг мандатар, кој ќе го предложи СДСМ.

dobivaj vesti na viber

– Зошто не би бил прифатлив нов мандатар. Ја почитуваме одлуката на СДСМ, кого и да изберат тие за претседател, кого и да го предложат за мандатар секако, изјави денеска Груби, одговарајќи на новинарско прашање.

Во врска со влегувањето на Алтернатива во Владата и прераспределбата на министерствата, а на прашањето зошто ДУИ отстапила толку важни позиции, Груби нагласи дека при услови на преговарања меѓу постоечките коалициски партнери и нови коалициски партнери коишто ќе дојдат, „сите отстапуваат места коишто ги имаат дотогаш“.

– Ние всушност во Владата отстапивме од МИОА, но го добивме ресорот земјоделие, којшто е многу голем и каде што имаме многу, многу значајни проекти, коишто ги имаме зацртано во нашата програма и за коишто ни е многу значајно да ги имплементираме, посочи Груби.

Тој најави дека деновиве ќе се разговара за соработката со Алтернатива на локално ниво и изрази надеж дека таква соработка ќе има.

Би можело да ве интересира

Божиновска: ДКСК да постапи по незаконското поставување на Велковски за секретар на Град Скопје

Ристова: Осум милиони евра исплатени кон граѓаните во првите три месеци преку мерката Мој ДДВ

СОЗР на Влада: Вработени на Службата за заеднички работи беа логистика на бројната делегација Софија

СДСМ: Незаконски поставениот генерален секретар на Град Скопја да поднесе оставка

Катерина Павлова-Николовска

СДСМ: Повисоки плати и пензии со заштеди од 200 милиони евра со ребалансот на Буџетот

Службеници во Владата како новинари, на државен трошок престојувале во Софија тврди ВМРО-ДПМНЕ