Груби во aмериканскиот Конгрес се сретна со конгресменот Елиот Енџел

Од:

За време на неговата посета на Вашингтон, пратеникот Артан Груби, претседател на собраниската Комисија за европски прашања и претседател на парламентарното пријателство со Соединетите Американски Држави, како и Организационен секретар на Демократската Унија за Интеграција, оствари работна средба во Американскиот Конгрес со конгресменот Елиот Енџел, Претседател на Комисијата за надворешна политика на Конгресот.

Соговорниците Енџел и Груби разговараа за политичките случувања во Северна Македонија и регионот на Југоисточна Европа, како и за билатералните односи помеѓу Скопје и Вашингтон.

Груби истакна високо почитување за големото пријателство на Конгресменот Енџел со сите земји во регионот и неговиот извонреден придонес за Западен Балкан.

Груби истакна дека нашиот успехот е заеднички и дека Енџел и САД имаат посебен придонес за нашите достигнувања.

И пред Конгресот, пред раководството на Комисијата за надворешна политика Груби истакна дека ДУИ гарантира неповратност на Охридскиот договор, Преспанскиот договор и Договорот за добрососедство.

Енџел ја повтори Американската поддршка за Северна Македонија и членството на земјата во НАТО како и започнување на преговорите за членство во ЕУ, како и за севкупните реформи во земјата, заедно со континуираните напори за борба против корупцијата.

Груби и Енџел истотака зборуваа и за дијалогот Косово-Србија, истакнувајќи ја потребата за затворање на спорот со согласност на двете страни за доброто на регионот. Енџел исто така изрази разочарување од неуспехот на ЕУ да ги либерализира визите и слободното движење за косовските граѓани.

Претходно, Груби го посети Атланскиот Совет каде учествуваше на форум организиран од американскиот генерал Џејмс Џонс, поранешен Советник за национална безбедност на претседателот Обама и Врховен началник на силите на НАТО, за иницијативата „3 мориња“ на сојузот на земјите од Балтикот, Централна и Југоисточна Европа.

Денес Груби ќе присуствува на Традиционалниот појадок, со учество и на Претседателот на САД, Доналд Трамп и лидерите на многу други земји.

Би можело да ве интересира

Лорд Робертсон до Ахмети: Вашето лидерство низ годините беше од суштествено значење за постигнувањето на членството во НАТО

Ана Ололовска

ДУИ: Владеењето на правото и правната држава е апсолутен приоритет на сите нас

Ана Ололовска

ДУИ: Ние сме НАТО и гарант за Охридскиот, Преспанскиот и Договорот за добрососедство

Ландов

(ВИДЕО) Бектеши: ДУИ е против намалување на платата на администрацијата, за функционерите прифатливо

Ана Ололовска

Ахмети: Ни треба да го победиме вирусот, а не победа на изборите

Ана Ололовска

Во Охрид се делат покани за отворање на штаб на ДУИ, Груби вели веднаш ќе се јавел да се престане

Кристијан Ландов