Коалицијата ГРОМ вчера вечер ја побара поддршката од жителите на скопската населба Бутел, а за возврат на граѓаните од Втората изборна единица им вети држава во која ќе нема поделби, туку заедништво.
Пред граѓаните на Бутел истакнаа дека ќе се залагаат подеднакво за сите граѓани, како и за етнички и политички стабилна Македонија.
Претседателот на ГРОМ, Стевчо Јакимовски вети парламентарна група која ќе биде пример, како вистински треба да се бори за граѓаните.
Јакимовски вчера ги посети и жителите од скопските населби Жданец, Карпош 3, Нерези, Чаир и Аеродром, претставувајќи ја изборната програма на ГРОМ која, како што рече, нуди инфраструктурни решенија за скопските општини кои ќе го подобрат животниот стандард.
