ГРОМ: Академиците да се изјаснат за навредите од Димитров

Граѓанската опција за Македонија – ГРОМ ги прашува академиците зошто два дена молчат и дали се точни обвинувањата на бугарскиот министер Божидар Димитров, задолжен за Бугарите во странство, дека македонските академици се уплашени, уценети и лесно поткупливи.

– Чекавме да видиме дали тие на кои е упатено невиденото омаловажување од Божидар Димитров ќе реагираат на неговите навреди. Тој вели дека МАНУ се откажала да се изјасни против потпишување на договор за добрососедство со Бугарија, а академиците се луѓе кои сакаат да живеат и да примаат плати, кои знаат дека Зоран Заев ќе ги избрка од работа ако тргнат против него и затоа велат да. Тие се луѓе на кои ќе им дадеш пари и за возврат ќе се пишат Бугари, тоа е многу стара македонска практика. Никој досега нема кажано вакви навредливи зборови за една важна македонска институција и за луѓето во неа. Изјаснете се дали е точно ова што го зборува Димитров, беше посочено на денешната прес-конференција на ГРОМ.

Беше нагласено дека постојано ќе ги прозиваат академиците да се произнесат за обвинувањата, бидејќи трошат народни пари и сносат голема одговорност.

Од ГРОМ потсетија дека Димитров изјави дека со новиот договор за добрососедство меѓу Македонија и Бугарија ќе престане кражбата на бугарската историја и Македонците ќе се откажат од досега украдената историја.

Би можело да ве интересира

Радев: Ја поддржуваме Северна Македонија, но не безусловно

Ана Ололовска

Хакери украле лични и финансиски податоци на милиони Бугари

ВИДЕО: Јулски снег во Бугарија

Татјана Ташкова

ВИДЕО: Страотен удар на гром во центарот на Солун

Бугарската Влада го одобри договореното од заедничката меѓувладина комисија

Ана Ололовска

Бугарија купува американски авиони Ф-16