Овој народ е доведен до ѕид од една предавничка тајфа, но нашиот глас ќе стигне до секој, изјави Солза Грчева на протестот против промена на името пред Собранието на Република Македонија.
– Синоќа се случи нешто што не верував дека ќе доживеам во својата татковина. Беа испукани 30 шок-бомби на сопствениот народ. Но, никој не се плаши од солзавци и шок бомби, рече Грчева.
Таа рече дека власта е фашистичка и сака да создаде фашистичка творба.
– Сакаат да не се погребуваме на македонски православни гробишта, но ние нема да го дозволиме тоа, додаде Грчева.
Таа рече дека замислиле оваа нација да нема минато, но дека овој народ додека има паметни и вредни луѓе нема да го дозволи тоа.
– Го тестираат трпението на народот, но овој народ е камен и никој не може да го измести. Нема да се смириме додека не се распушти ова ненародно Собрание, сите до 1 има да го напуштат, рече Грчева.
Според неа, Владата не е легитимна бидејќи и Собранието не е легитимно.
Грчева побара секој ден, во сите градови и села народот да пресече.
– Ние сме на страна на правдата и правдината. И не само тоа, ние сме на страната на правото. Тие кршат се, тоа е нашата шанса да ги уништиме. Да им покажеме со кого си имаат работа, рече Грчева.
Виктор Јованов