Градоначалникот на Општина Чаир, Висар Ганиу му додели денеска подароци за првото новороденче во Гинеколошката Болница „Мајка Тереза“ за семејството Тодоровски и нивниот син Давид.
– Многу сум среќен што станав дел од радоста на семејството Тодоровски по повод раѓањето на нивниот син, Давид во првите моменти на 2018 година. Наша обврска е и грижата за најмалите граѓани за нивните успешни први чекори во животот. На мајката Василка и на семејството Тодоровски покрај подароците за првото новороденче во Гинеколошката Болница „Мајка Тереза“ во Чаир им посакав многу радосни моменти во животот, а на малиот Давид многу здравје и радосно детство, изјави Ганиу.