Градоначалници од југоистокот бараат средба со Заев за референдумите за рудниците

Од:

Градоначалници од седум општини од Југоисточниот регион по денешниот состанок во Валандово побараа најдоцна до утре да се сретнат со премиерот Зоран Заев за да разговараат за доделените концесии за геолошки истражувања и експлоатација на минерални суровини и референдумите за отворањето рудници во тие општини.

Градоначалникот на Дојран Борче Стамов изјави дека го повториле заклучокот од последната седница на Југоисточниот плански регион и барањето Владата да се произнесе за прашањата на иницијативите за референдуми во југоистокот на државата за веќе доделените концесии за рудници, со кои, рече Стамов, се бара од општините да преземат дејствија кои се надвор од нивните надлежности.

– Констатиравме дека, иако Владата има законска обврска да се произнесе и да донесе соодветни одлуки за доделените концесии за истражувања или експлоатација на минерални суровини по веќе двата одржани референдуми во Гевгелија и Богданци, се уште нема доставено никакво известување, ниту се има јавно произнесено по ова важно прашање за граѓаните од сите општини во регионот, изјави Стамов.

Општините, потенцира, со одржувањето на референдумите, ќе потрошат големи финансиски средства за кои сметаме дека е подобро да се искористат за инвестиции во инфрастуктура, обрзование, туризам или други области, а на крајот не произведуваат никакви правни обврски за локалните самоуправи.

– Единствено резултатите од референдумите можеме да ги доставиме до Министерството за економија односно Владата. Поради тоа, бараме итен состанок со премиерот Зоран Заев, во врска со доделените концесии за геолошки истражувања и експлоатација на минерални суровини. Состанокот бараме да се одржи најдоцна утре и на него да присуствуваат и вицепремиерот за економски прашања, министрите за економија и за животна средина, како надлежни институции за водењето на постапката и доделувањето на концесиите за рудници, изјави Стамов.

Би можело да ве интересира

Сериозен пожар кој зафаќа голема површина во Валандовско, се шири во два крака

А1он

Пожарот кај валандовско Грчиште е активен, повредени се двајца вработени во „Македонски шуми“

Земјотресот во Валандово и околината

Мицкоски: Владата го усвои Предлог законот за соодветна и правична застапеност

Горан Наумовски

ВМРО-ДПМНЕ и партнерите ќе одбележат една година власт пред платото на Владата

ВМРО-ДПМНЕ: СДС и Филипче му возвраќаат на Заев, неговите деца во партијата станаа кандидати за градоначалници