Министерот за здравство Венко Филипче ги потврди препораките на Комисијата за заразни болести и изјави дека сите детски градинки, основни и средни училишта ќе запрат со настава во наредниве 14 дена. Процесот на настава ќе биде прекинат и на универзитетите.
Еден родител на деца до 10 години ќе биде ослободен од работа без разлика дали е од јавен или од приватен сектор, а отсуството ќе му биде целосно платено. Овие мерки почнуваат да важат од денеска.
Понатаму, се забранува одржување на сите собири на отворено и затворено. Спортските настани ќе се одржуваат без публика во наредниве 30 дена.
Воедно, се воведува задолжителна самоизолација на сите кои доаѓаат од средно и високо ризични држави во период 14 дена, според листата што ја објавува Светската здравствена организација.
Се препорачува на возрасните и повисоко ризичните категории на граѓани со хронични болести да го намалат движењето и да избегнуваат да користат јавен превоз.
Понатаму, се препорачува да се избегнува патување во земјите со среден и висок ризик, а ќе се воведе и health locator карта за сите летови и сите авиокомпании. Владата и владините институции ќе ги прекинат сите патувања и конференции.
Се забранува и организирање меѓународен автобуски превоз (вклучително и со комбе и мини бус) од и во Македонија од високоризичните земји.
Тие што не ги препорачуваат препораките ќе бидат казнети согласно член 205 и 206 од Кривичниот законик.