Гостиварската општинска администрација за рамазанските пости ќе работи со скратено работно време

Од:

Општинската администрација на Гостивар за време на месецот на рамазанските пости со работа ќе почнува час и половина подоцна. Одлуката на локалната самоуправа е објавена на влезот од зградата и на веб страницата и ја потврдија од службата за информирање.

Наредниов месец работното време на администрацијата за време на рамазанските пости ќе биде од 9.30 часот до 16 часот. Од службата за информирање со известието напоменаа дека досегашната пракса покажала дека за време на рамазанските пости, обемот на работа е намален и странките доаѓаат подоцна.

„Се известуваат граѓаните, органите на државната власт и други органи и организации утврдени со закон, установи и јавни служби, месни заедници, јавни претпријатија, заводи, фондови, невладини организации, правни и физички лица што вршат јавни овластувања и сите други кои ги користат општинските услуги, дека во согласност со Одлуката бр.09-1009/1 од 15.05.2018 година, за времено распоредување на работното време на Општина Гостивар во текот на месец ,’Рамазан’, – 2018 година, општинската администрација ќе работи од 09.30 до 16.00 часот.

Новото работно време на општинската администрација ќе се спроведува до 14 јуни 2018 година”, известија од службата за информирање на општина Гостивар.

Би можело да ве интересира

Над 640 првачиња оваа учебна година во гостиварските училишта

Општина Гостивар ги укина службените мобилни телефони

Пожар во гостиварско Русино

Виктор Јованов

Тимоние: Посакуваме отворање преговори, тоа ќе биде добро и за нас

Ана Ололовска

Во еден ден од куче нападнати пет гостиварци

Ана Ололовска

Обвинение за три лица кои извршија полов напад врз дете од гостиварско