Големо невреме го погоди Скопје, пропратено со силни врнежи, со ветер, грмотевици и град. На многу места во градот се откорнати дрвја и покриви, а многу од улиците се поплавени.
Невремето почна одесетина минути пред 17 часот, и за брзо време беа поплавени дел од улиците на Скопје.
Од Центарот за управување со кризи информираат дека на повеќе места во земјава е нестабилно со пороен дожд, грмежи и засилен ветер, а во моментов јадра со поизразена нестабилност има и околу Штип, Велес, Демир Хисар и Св. Николе.
