Дожд и ветар денеска го зафати Неготино. Од силниот ветар оштетени се десетина семејни и деловни објекти. На терен веќе дејствуваат екипи од противпожарната заштита и од ЦУК.
-Од раководителот на РЦУК Неготино сме известени дека од 16:10 до 16:30 часот општината Неготино ја зафати силно невреме проследено со ветер и пороен дожд. Од ТППЕ Неготино сме известени дека има пријавено повеќе штети од граѓаните. Интервенирано е, ТППЕ Неготино интервенира на најкритичните места кои се погодени од невремето, има искорнати дрвја, паднати бандери, оштетни пориви од куќите и поплавени домови, информираат од Центарот за управување со кризи (ЦУК).