ВИДЕО: Големо невреме кај Кичево, град ги прекри патиштата

Од:

Силно невреме проследено со пороен дожд и град го зафати подрачјето во близина на Кичево.

На патот после Кичево, кога се оди кон Скопје, паѓа крупен град и врне пороен дожд и речиси е невозможно да се вози. Патници кои во моментов се наоѓаат на местото велат дека покрај патот има колона возила кои чекаат да помине невремето за да го продолжат патувањето.

Попладнево и Струмица беше зафатена од силно невреме. Нестабилната облачна маса се движеше кон југ во правец на Валандово, Дојран и Богданци. Нестабилно беше во повеќе места во источниот и во планинските подрачја во западниот дел од земјата, како и над Преспанското Езеро. Подоцна нестабилна воздушна маса со поголеми размери ја зафати околината на Битола, а нешто помала и Кичевско. Доцна попладне во Дебар имаше невреме проследено со пороен дожд, грмежи и појава на град.

Во вечерните часови сè уште на повеќе места ќе биде нестабилно со пороен дожд, грмежи и засилен ветер, локално во форма на невреме, особено во западните делови.

Времето утре претпладне сончево и топло со умерена облачност, попладне на повеќе места нестабилно со пороен дожд, грмежи и засилен ветер. Локално процесите ќе бидат во форма на невреме со пообилни врнежи, силен ветер и појава на град.

Би можело да ве интересира

Претежно облачно и посвежо, со локален пороен дожд и грмежи

Ана Ололовска

Од вечер пад на температурите и повремен пороен дожд

Ана Ололовска

Натпросечно топло, од вторник заладување

Ана Ололовска

Следните денови сончево со значително повисоки дневни температури

Ана Ололовска

Наутро студено, во текот на денот претежно сончево и потопло

Ана Ололовска

За викендот до 32 степена, од вторник врнежи

Ана Ололовска