Двајца скопјани на возраст од 22 години добија кривични пријави за случајот со нападот на момче во парк шумата во Гази Баба.
На 2 декември, обвинетите на свиреп начин киднапирале лице кое наводно им должело 150 евра. Го однеле во Парк шумата Гази Баба, го соблекле и му ја запалиле облеката и личните работи, а потоа присилно извршиле и други полови дејствија кон него.
По спроведена истражна постапка, јавен обвинител од Основното јавно обвинителство Скопје поднесе Обвинителен акт против двајца 22-годишни скопјани за кривично дело – Полов напад и силување од член 186 став 1, како и Противправно лишување од слобода според член 140 став 5 во врска со став 1 и во врска со член 22 од Кривичниот законик.
До Основниот кривичен суд Скопје доставен е и предлог за продолжување на претходно определената мерка притвор за двајцата обвинети.