Кандидатот за градоначалник од редовите на ВМРО-ДПМНЕ за Куманово, Зоран Ѓорѓиевски денеска најави доуредување на добиточниот пазар, изградба на нов зелен пазар и откупен центар за земјоделски производи.
– На граѓаните можеме да им понудиме неколку мерки од нашата програма – покривање и техничко доуредување на добиточниот пазар во Долно Којнаре, изградба на нов зелен пазар во населбата „Гоце Делчев“ и изградба на откупен центар за земјоделски производи на големо. Тоа е голема работа која им недостига на кумановци, изјави Ѓорѓиевски во присуство на носителот на советничката листа и кандидатите за советници.
Ѓорѓиевски ја посети и манифестацијата „Денови на медот“ во Куманово каде изјави дека доколку стане градоначалник ќе ја поддржи оваа долгодогодишна традиција.