Германската левица е против ад-хок укинување на безвизниот режим

Од:

Германската левица е против укинувањето на безвизниот режим за земјите од Западен балкан, меѓу кои и Македонија.

Барањата на владеачката  ЦДУ-ЦСУ  за враќање на визиот режим во Македонија и Србија, од страна на опозицијата и експертите  во Германија се толкуваат како популизам кој загрижува, пишува Дојче веле

„Јас сум строго против барањата на министрите за внатрешни работи. Зголемен е бројот на Роми од Македонија и Србија кои тука доаѓаат, но во најголем број барањата за азил се одбиваат. Ако се погледнат бројките, ќе се види дека Германија како и досега има мал проблем, каков што имаат и многу други земји. Во Грција на пример барателите на азил се за 50 проценти побројни. Но, поради ова и малите внатрешни проблеми што ги имаме во никој случај не смее да им се одземе слободниот визен режим на граѓаните на Македонија и Србија, изјави за Дојче веле, Мариелуизе Бек, пратеник во Бундестагиот од Сојузот 90-Зелени.

Бек потсетувајќи на некогашното слободно движење низ светот на носителите на југословенски пасош, не го крие задоволството што со либерализацијата граѓаните од Балканот долгорочно ги гледа како дел од ЕУ, кои слободно можат да патуваат. Според неа, „неодговорно е што ова значајно достигнување на надворешната политика е доведено во опасност поради кусогледоста на внатрешната политика“. Бек се надева дека ЕУ нема да го прифати барањето со кое, како што оценува, повторно би се разнишала стабилноста на Балканот.

Визната слобода може да се укине, но дипломатски тоа би било сосема погрешно, зашто станува збор за кандидати за членство во ЕУ. Предупредуваат, ако се повлече визната либерализација има опасност земјите кои имаа добиено позитивни оценки од Комисијата повторно да се вратат на старите патеки.

Михаел Хартман, пратеник на СПД, смета дека барањата за укинување на визната либерализација во голема мерка се популистички, но, нагласува, загрижува што иницијаторите можат бараното и да го постигнат. Според него, бројките и не се толку драматични како што некои ги претставуваат, а проблемот нема да се реши со повторно воведување на визите.

 

Би можело да ве интересира

Зелените согласни за отпочнување на формални разговори за формирање на нова влада на Германија

А1он

Тројца загинати во хеликоптерска несреќа во Германија

Ана Ололовска

Постигнат начелен договор: СДП, Зелените и ФДП ја прават новата германска Влада

Германската семафор-коалиција согласна за легализација на канабисот

Ана Ололовска

Зголемен бројот на мигранти во Германија кои доаѓаат преку „белоруската рута“

Ана Ололовска

Зеленски разговараше со Меркел и Макрон за решението на судирот на истокот од Украина

Ана Ололовска

Leave a Comment

four + one =