Герасимовски: Ве повикувам да ја потврдиме победата за Центар да продолжи напред

Од:

„Јас сум човек кој сака да зборува со аргументи и со факти, сакам прецизни и конкретни проекти, јас сум човек кој ја цени искреноста и довербата затоа што таа е основа за напредок на општеството“, им порача денеска на граѓаните Горан Герасимовски, кандидатот за градоначалник на општина Центар од СДСМ и Коалицијата.

dobivaj vesti na viber

Герасимовски во денешната изјава со која се завршува кампањата за вториот круг на локалните избори во 2021 година, им се обраќа на граѓаните со надеж дека имале доволно време да се запознаат со кандидатите, нивните програми и дека веќе донеле одлука за кого ќе гласаат во недела.

„ Затоа понудивме прецизни проекти и решенија за клучните проблеми во општината со конкретни датуми за реализација. Од другата страна понудата е листа на желби и програма која нема допир со реалноста и вашите проблеми. Имам решенија и добро осмислен план како до подобра и хумана урбанизацијата, како да ја исчистиме општината уште првата година од мандатот и како да обезбедиме повеќе и загарантирани паркинг места за вас граѓаните. Имаме конкретни решенија за образованието, спортот, локалниот економски развој и сите области во кои делуваме“, изјави Герасимовски.

Тој исто така рече дека општина Центар ќе ја гради заедно со граѓаните и затоа ќе инсистира на отвореност и директни средби на кои ќе ги слушне нивните барања и ќе постапи по истите. Но потенцираше и дека очекува граѓаните да бидат вклучени во одлуките и работата на општина Центар.

„Затоа, општината ќе се дигитализира и ќе воспостави онлајн систем каде сите предмети, одлуки, градежни дозволи ќе бидат достапни на увид на граѓаните. Буџетот ќе се изработува во соработка со граѓаните согласно приоритетите. Како градоначалник секој ден ќе издвојувам по еден час за директни средби со вас граѓаните, а постојана и отворена комуникација ќе имаат сите служби и советници. Центар е лулка на демократијата и во тој дух мора да работиме“, изјави Герасимовски.

Ова е тоа што јас чесно го нудам за вас, продолжи тој при што направи споредба со изборот кој го нуди старото ВМРО-ДПМНЕ скриено зад наводно независен кандидат.

„Ние центарци бевме жртва на истите луѓе кои сега повторно го бараат нашиот глас. Истите луѓе кои со насилство и заплашување се обидуваа да ја сменат вашата волја на избори. Истите кои го злоупотребија и обезличија Центар за своите криминални проекти. Јас силно верувам дека овие луѓе не се вашиот избор. Центар мора да остане демократска и слободна општина“, изјави Герасимовски.

Со изборот за него Герасимовски вели дека општина Центар ќе доживее позитивни промени и со граѓаните ќе го направат многу позелен и многу почист. Герасимовски ги повика да излезат во многу поголем број, да го заокружат бројот 12 и да го одберат најдоброто за Центар.
„Ве повикувам да ја потврдиме победата за Центар да продолжи напред“, изјави Герасимовски.

Би можело да ве интересира

Се поставува нова атмосферска канализација на крак од улицата „Никола Тримпаре“

Герасимовски: Почнува реконструкција на улицата „Козара“ во Капиштец

Герасимовски: МВР изврши увид во катната гаража кај ТЦ „Буњаковец“ – оштетени се вкупно 18 возила и приведено 1 лице

Ана Ололовска

Од денеска почнуваат јавните анкети за ДУП-овите Градска четврт ЦС 14 и Градска четврт ЦС 01 на Кале

Санација на ударни дупки низ цела Општина Центар

Општина Центар со иницијатива за измена на Законот за градежно земјиште: Наместо со 30% сопственост, со 70% да може да се дооформува земјиште

Ана Ололовска