Георгиев: Не е работа на комисијата да каже што е Гоце Делчев

Од:

Доколку мешовитата македонско-бугарска Комисија за историски прашања продолжи да инсистира во нејзината работа да се утврди и да се напише на документ дека Гоце Делчев бил Бугарин или Македонец, нема да имаме решение, изјави македонскиот член на Комисијата, Драги Георгиев при гостување во емисијата „Уште од денот“ на Бугарската национална телевизија.

– Гоце Делчев е многу чувствителна тема и да се одговори на тоа дали Гоце Делчев бил Бугарин или Македонец и да се бара тоа од нашата комисија, јас сметам дека е апсолутно не упатно. Не е работа на комисијата да каже што е Гоце Делчев, изјави Георгиев.

Според него, во тоа време не станува збор за „еден црно-бел свет“ и не постоела јасна поделеност на бугарска или македонска свест, бидејќи „се е испреплетено и сите случувања во тој период се хаотични“.

Бугарскиот член на Комисијата, Ангел Димитров гостувајќи во истата емисија меѓутоа потенцира дека смета оти Комисијата треба да утврди што бил Гоце Делчев.

– Ако не се знае што е човекот, нема да можеме точно да го определиме неговото дело. Освен тоа нема што ние е да кажуваме. Гоце Делчев сам кажал што е, тоа го кажале неговото семејство, неговите другари и соборци. Тие јасно кажале што се, истакна Димитров.

Со ваквиот став не се согласи Георгиев.

– Ако одиме по таа аналогијата дека Гоце Делчев кажал оти е Бугарин, тој многу често го употребува и зборот македонски народ и Македонци, потенцира Георгиев.

Инаку, како што најавија Георгиев и Димитров, прашањето за евентуално заедничко чествување на Гоце Делчев е тема на денешната средба на членовите Комисијата, откако во текот на вчерашниот ден тие расправале за средновековната историја и периодот на Османлиската Империја и за учебниците по историја, при што, како што нагласија, не постигнат напредок.

Би можело да ве интересира

Владите на САД, Косово и Србија номинирани за Нобелова награда за мир

Жарко Настоски

Гренел: Договорот ги оддалечува Србија и Косово од Русија и Кина, тоа е победа на Трамп

Жарко Настоски

Хоти најави косовска амбасада во Ерусалим и покрај протестите од Брисел

Жарко Настоски

Гатузо ќе потпише нов договор со Наполи до 2023 година

Жарко Настоски

САД и Талибанците потпишаа историски мировен договор

А1он

Арапската лига и Палестинците го отфрлија мировниот план на Трамп