Газда тепал вработена во кафуле во Скопје, а потоа и тој добил ќотек

Од:

Кој кого тепал? Полицијата во иста вечер добила две одделни пријави за физички напад, и тоа од две лица на иста локација – кафуле во центарот на Скопје.

Едната пријава дошла од вработена во кафулето, која рекла дека била нападната од газдата на објектот во кој работела.

На 6.2.2023, во 22 часот, во СВР Скопје, М. И. (42) од Скопје пријавила дека околу 19.25 часот на работното место во угостителски објект на улицата Аминта Трети била физички нападната од сопственикот на објектот С. Т. (56) од Скопје. По целосно документирање на случајот, ќе следува соодветен поднесок, се вели во соопштението од МВР.

Втората пријава ја поднел самиот сопственик на кафулето тврдејќи дека и тој бил нападнат од едно лице, но не е прецизирано кој го нападнал и дали овој случај е поврзан со тепањето на вработената?

На 6.2.2023, во 19.55 часот, во СВР Скопје било пријавено дека пред угостителски објект на улицата Аминта Трети едно лице физички го нападнало сопственикот на објектот С. Т. (56) од Скопје, при што употребило и тврд предмет. Се преземаат мерки за расчистување на случајот, стои во соопштението од МВР.

Би можело да ве интересира

ВМРО-ДПМНЕ: Панче Тошковски го суспендира командирот од Ропотово, Даница Чадиева од СДС преку Второстепена го враќа

Полицајци земале поткуп од странци, па им фингирале документи дека влегле или излегле од Македонија

(ВИДЕО) Кузеска: Скандалот во МВР со испитниот центар смрди на корупција!

Млада жена се обидела да ја убие бабата на сопругот, поведена истрага

МВР: На ниту еден граѓанин не му беше скратено правото да присуствува на вчерашниот протест во Кочани

Предраг Петровиќ

Скопјанка криумчарела мигранти од Египет