„Со вчудоневидување и неверување ги следевме јавните настапи на главно осомничените во акцијата „Титаник“ поранешните министри за внатрешни работи и транспорт и врски и нивното елементарно непочитување на Законот за кривична постапка како и молкот на надлежноте институции. Да се потсетиме дека судијата во предистражната постапка како и кривичниот совет одлучија на осомничените Гордана Јанкуловска и Миле Јанакиески во акцијата „Титаник” да не им одредат мерка притвор по барање на Специјалното јавно обвинителство, меѓудругото и со образложение дека осомничените немаат можност да влијаат на сведоците во постапката.
Меѓутоа и едниот и другиот во своите јавни настапи спротивно на одребите на Законот за кривична постапка изнесоа детали од текот на предистражната постапка и изнесуваа нивни ,,факти” и на тој начин тие свесно јавно го попречија непристрасното одвивање на понатамошниот тек на предистражната постапка. Со своите јавни медиумски настапи и двајцата свесно извршија јавно влијание на потенцијалните сведоци, вештаци како и на соучесниците и прикривачите во процесот. На тој начин тие го повредија членот 165 став 2 од Законот за кривична постапка.
Оттаму ФРОДЕМ апелира до Специјалното јавно обвинителство да не дозволува непристрасноста на истрага за случајот ,,Титаник” да биде доведена во прашање со јавно кршење на одредбите од Законот за кривична постапка. Поради овој преседан кој го направија осомничените со помош на дел од медиумите, СЈО е должно повторно да побара мерка притвор за овие двајца осомничени. Само со прифаќање на мерката притвор од страна на судијата во предистражната постапка ќе биде спречено понатамошното перфидното влијание на сведоците и останатите ученици во постапката и на тој начин ќе се овозможи објективна и непристрасна понатамошна постапка“, се вели во соопштението на ФРОДЕМ.