Кандидатотот за градоначалник на Општина Гевгелија од ВМРО-ДПМНЕ Иван Франгов денеска го потпиша однапред подготвениот Документ од страна на Националниот младински совет на Македонија со заложба дека ќе работи за релизација на три проекти од приоритетите и потребите на младите.
– Во наредните четири години, доколку бидам избран повторно за градоначалник, планираме, освен нови инфраструктурни проекти за задоволување на потребите на младите, да воведеме и организиран бесплатен автобуски превоз на сите ученици во Општината, од нивните домови до училиштата, рече Франгов по потшишувањето на Документот.