Франција го поздравува потпишувањето на Договорот за пријателство, добрососедство и соработка што премиерите на Поранешната Југословенска Република Македонија (ПЈРМ) и на Бугарија, Зоран Заев и Бојко Борисов го потпишаа во вторник 1 август.
Франција се надева дека овој договор ќе овозможи Скопје и Софија да ги продлабочат својот дијалог и соработка, особено на политички, економски и културен план и дека ќе придонесе за зајакнување на стабилноста во регионот на Балканот.
Франција потсетува дека добрососедските односи и регионалната соработка се основните елементи од процесот на европско приближување.
Тие придонесуваат за просперитет, стабилност, помирување и за создавање на погодна клима за решавање на билатералните спорови и проблеми наследени од минатото, се вели во соопштението на француското Министерство за Европа и Надворешни работи.
