Претседателот на СДСМ, Зоран Заев по повод празникот „Успение на Пресвета Богородица“ денеска беше во посета на црквата „Свети Петнаесет Великомаченици“ во Струмица и црквата „Успение на Пресвета Богородица“ во Берово, пред која се одржува општонароден собор.
„На сите православни верници на Македонската православна црква во Република Македонија и надвор од неа, упатувам срдечни честитки по повод големиот христијански празник Успение на Пресвета Богородица, со најискрени желби за добро здравје, благосостојба и мир во душата“, порача претседателот на СДСМ во честитката по повод големиот христијански православен празник.