„Се чувствувам многу убаво вечерва, меѓу 900 жени, кој е како мене“, рече градоначалникот Зоран Заев на синоќешната осмомартовска забава на жените на СДСМ што се одржа во хотелот „Сириус“ во Струмица.
Убавите и весели социјалдемократки во преполнетата сала со бурен аплауз го поздравија градоначалникот Заев и му ја дадоа поддршката за третиот мандат.
-Сакам на моите колеги политичари во државата да им кажам зошто Струмица е посебна, поинаква и најдобра. Една од тие причини сте вие жените, социјалдемократките од нашата Струмица. Секогаш велам и пак ќе потврдам, не не бива дома без вас, не не бива на работа без вас, не не бива ни во партијата без вас. Ви благодарам многу за тоа што не правите горди и силни, рече Заев.
