Градоначалникот Зоран Заев, синоќа во рамките на Струмица опен фест, на интернационалната спортска ѕвезда Влатко Илиевски и таткото на Горан Пандев, Ристо Пандев, им ги предаде портретите во природна големина што ги изработи струмичкиот сликар Митко Тошев.
Малиот градски парк беше претесен да ги собере почитувачите на Пандев и Илиевски кои се дружеа и фотографираа со кошаркарската ѕвезда, а жалеа што поради итните обврски во Италија, нивниот миленик Пандев не беше меѓу нив.
Ова беше уште една прекрасна вечер во рамките на десетдневниот Струмица опен фест. Вчерва почнува музичкиот дел од фестивалот кој ќе трае до недела, а во кој ќе настапат познати домашни и странски музички, а последна на музичката сцена на градскиот плоштад ќе настапи балканската ѕвезда Северина.
Инаку, во Струмица се прават последните подготовки на плоштадот кој се очекува да биде исполнет до последното место во трите музички фестивалски вечери.