Кривопаланчани револтирани се јавија во редакцијата на А1он, за да укажат на притисоци и предвреме започната кампања од страна на ВМРО-ДПМНЕ.
„Без оглед на тоа што ова е казниво, режимот се дрзна и со тимови јавно си дели локални програмички по куќите. Јавно и безобразно. Како во хорор филмови, сомнителни брадести типови и со бричени глави, не бирајќи кое време од ноќта тропаат по куќите и со сила на луѓето им делат некои книшки кои ги нарекуваат програми“, велат гневните кривопаланчани.
„Си кршат устав, законик, закон, деловник, одлуки и сето тоа без срам сами го рекламираат по социјалните мрежи. Ако вака слободно ги кршат законите пред официјалниот старт на изборите, може да замислиме каква валкана и не фер кампања имаат веќе осмислено“, велат жителите на Крива Паланка.
Членот 74 став 1 од Изборниот законик на Република Македонија вели:
„Изборната кампања започнува 20 дена пред денот определен за одржување на изборите и не смее да трае 24 часа пред денот на изборите и на денот на изборите.“
