„Студентски пленум“ денеска испрати апел за хуманитарна помош на настраданите во поплавите.
„Сочувствуваме со семејствата чии домови беа поплавени, семејства кои најверојатно нема да може да заработат за леб поради поплавените земјоделски поседи, оние на кои животот им е загрозен. Ве повикуваме да се солидаризираме со настраданите семејства од поплавените региони во нашата држава.
Со таа цел, утре (петок, 6 февруари) со почеток во 10 часот, се организира акција која ќе се одвива на улица Македонија, кај споменикот на Мајка Тереза.
Продукти кои се најпотребни: вода, средства за хигиена, конзервирана храна, чорапи и облека, ќебиња.
Ги повикуваме сите наши колеги, професори, граѓани, компании да се солидаризираат со настраданите и да одвојат средства за да им се помогне на нашите колеги, пријатели, роднини, сограѓани“, се вели во соопштението од „Студентски пленум“.
Извор: Мета