Учениците од трите средни општински училишта во Струмица, денеска, стапија во активен бојкот на наставата во двете смени. Наместо во училниците, тие времето за настава го поминуваат во училишните холови заедно со своите професори од кои имаат максимална поддршка на оваа нивна одлука.
Учениците од трите средни училишта бараат од министерството за образование да се укинат екстерното тестирање и задолжителното полагање на математиката и да се врати стариот метод на полагање на матура.
Учениците порачаа дека нема да дозволат министерството за образование да си игра со нивната иднина и затоа нема да отстапат од своите барања.
