Дел од пратениците од редовите на ВМРО-ДПМНЕ стојат пред Основниот суд Скопје 1 – Скопје, каде што еден по еден ги испраќаат своите сопартијци на распит во Кривичниот суд.
Пред да влезат во судот, обвинетите пратеници срдечно се поздравуваат со своите колеги.
Денеска на распит се повикани Јохан Тарчуловски, Жаклина Пешевска, Сашо Василевски, Крсто Муковски, Љубен Арнаудов и Љупчо Димовски, Судот ќе решава дали ќе им одреди мерка притвор.
Тие се дел од 36-те лица кои Основното јавно обвинителство ги гони за „терористичко загрозување на уставниот поредок и безбедноста“, во врска со настаните од 27 април годинава во Собранието на Република Македонија.
Виктор Јованов