По повод Меѓународниот празник на жената 8. март, припадници на Секторот за внатрешни работи од Охрид на припадничките на понежниот пол – учеснички во сообраќајот им подаруваше цвеќе.
– Во соработка со полициските службеници од полициската станица за безбедност во патниот сообраќај, на жените учеснички во сообраќајот, возачи или пешаци, им подаруваме цвеќе во знак на почит и во знак на наше приклучување во одбележувањето на овој ден, изјави портпаролот на СВР – Охрид Стефан Димоски.
Тој потсети дека од 40-тина илјади возачки дозволи издадени во Охрид, околу 35 проценти припаѓаат на припадничките на понежниот пол.
– Жените се мошне совесни возачи и во овој момент со задовлоство го потенцирам податокот дека исклучително се придржуваат кон сообраќајните правила и прописи при нивното учество во сообраќајот, било да се возачи, било да се пешаци, додаде тој.
Тој најави дека ваквата практика ќе продолжи и во иднина, како проактивна форма на приближување на полициските служби кон граѓаните, конкретно кон целната група жени-учеснички во сообраќајот.