Носителите на листите за кандидати за пратеници од Граѓанска опција за Македонија – ГРОМ, денеска, 27 април 2014 година, го остварија своето право на глас.
Утрово, организацискиот секретар на ГРОМ, Чедомир Саздовски, носител на листата за изборната единица 1, гласаше во општина Кисела Вода, а генералниот секретар на партијата, Виктор Цветковски, кој е и носител на листата за изборната единица 2, своето право на глас го оствари во месната заедница во населбата Зелен рид во Куманово.
Штерјо Николов, носител на листата за изборната единица 3, својата граѓанска должност ја оствари во ОУ „Благој Кирков“, додека носителот на листата за изборната единица 4, Панчо Минов, гласаше во месната заедница „Страшо Пинџур“ во Кавадарци.
Љупчо Настоски, носителот на листата за изборната единица 5, своето право на глас го оствари во СИЗ за домување во Охрид, а Горан Анчески, носителот на листата за изборната единица 6, гласаше во ООУ „Петар Поп-Арсов“ во Скопје.
