Поради одлуката да не се пропуштаат економските мигранти на македонската граница, бегалците од Иран, Курдистан и Пакистан ја зашиваат устата со игла и конец со што сакаат да испратат порака дека не се откажуваат од намерата да отпатуваат во некоја од земјите на ЕУ.
Прва Словенија, па Македонија, Србија и Хрватска минатата недела одлучија да не ги пропуштаат економските мигранти на границата, односно да се пропуштаат само бегалците од подрачјата каде има воени дејствија.
Мигрантите од Мароко, Иран и Пакистан го блокираа железничкиот сообраќај на границата помеѓу Македонија и Грција и бараат да бидат пуштени кон Западна Европа.
Еден Иранец ја заши устата и почна штрајк со глад, порачувајќи дека нема враќање назад.
Дел од мигрантите се залепени со селотејп на устите и полуголи ја блокираат границата. Засега околу 1300 мигранти се на ничија земја, на просторот помеѓу Грција и Македонија и одбиваат помош во храна, вода и ќебиња.
